-122-
Liat bikin lawanannja tida berdaja lantaran mendapat loeka di poendak dan lengan kanan, hingga ia tida bisa goenaken lagi sendjatanja boewat melawan, djoestroe pada waktoe ia mentjari koetika boewat melolosken diri, Kong Liat madjoe mendesak dengen tipoe sat-tjhioe-to, hingga Boe Tek terpaksa moesti lontjat ka atas boewat kasi liwat itoe serangan jang ditoedjoeken ka djoeroesan kaki dan paha, tapi sabegitoe lekas ia poenja kadoewa kaki mengindjak boemi, dengen tida terdoega Kong Liat goenaken tipoe wanyio pouw, lian hwan-toei, ilmoe tendangan jang beroentoen dengen mendadak, sekali poen jang pertama Boe Tek bisa kelit, tapi jang kadoewa membikin ia roeboe sabagi poehoen jang ditebang.
Samentara Lian Eng roeboeken moesoehnja dengen satjara jang sangat bagoes Kioe Nio melawan dengen nekat dan kaloewarken iapoenja saantero ilmoe kapandean, tapi Lian Eng teroes mendesak padanja dengen ilmoe- soen-hwan-to dan lian hwan yoe heng, ini matjem ilmoe boekan sadja sangat tjepat dan heibat, tapi djoega sangat tida terdoega, sebab gerakannja sabentar ka kiri sabentar ka kanan, mendadak ka depan mendadak ka blakang, hal mana soeda membikin Kioe Nio djadi sangat ripoeh, terpaksa moesti menoeroetin gerakannja lian Eng sembari menangkis sabisa bisanja. Tjoema sadjdi iapoenja hati jang keras masi maoe melawan teroes, tapi iapoenja napas soeda menge-menge senen kemis, dan tenaganganja poen tida bisa menoeroetin lagi iapoenja kamaoean, begitoelah achirnja ia moesti roeboeh lantaran kaabisan napas dan tenaga. Tapi Lian Eng sendiri laykangnja tinggi tjoema napasnja sadja ada sedikit memboeroe, sedang iapoenja kaadahan masi tinggal seger dan tenaga masi belon djadi koerangan.
