-59-
doewa kamar masi kaliatan sinarnja lampoe lampoe. Di atas gedong jang gelap, kerna itoe waktoe djoestroe boentoet boelan, dan djoega langitnja mendoeng, hingga tida kaliatatan sinarnja bintang-bintang, kaliatan ada doewa bajangan itam jang lagi bergerak-gerak sabagi djoega setan, kerna boekan sadja gerakannja ada begitoe sebat, malah sedikit poen tida kadengeran soewara apa apa.
Tida antara lama kamoedian itoe doewa bajangan itam soeda lompat toeroen ka atas lataran, tapi koetika iaorang poenja kaki mengindiak boemi, sedikit poen tida kadengeran soewaranja, laksana lembaran daon kering jang djato ka moeka boemi lantaran katioep angin.
Baroe sadja itoe doewa bajangan mengilang di itoe lataran jang gelap, mendadak dari sabelah depannja itoe roemah ada mendatengin lagi lima bajangan itam, jang gerakannja poen tida kalah gesitnja dan djoega tindakan kakinja sabagi koetjing, sedikit poen tida bersoewara, Ampat di antaranja lompat toeroen ka itoe lataran, ka mana itoe doewa bajangan itam lebih doeloe soeda toeroen, sedang jang satoe lagi mendekam. di atas genteng sabagi djoega toekang djaga jang pasang mata dan mengasi taoe kaloe ada bahaja.
Itoe ampat orang jang toeroen ka lataran lantas sadja terpentjar ka segala djoeroesan, boeat melakoeken masing-masing poenja pakerdjahan sendiri, sala satoe di antaranja jang berbadan tinggi dan sedikit besar, dengen kabetoelan sampe di samping satoe kamar dari itoe roemah besar, dari lobang djendela sabela atas jang dipakein kertas poetih, bisa kaliatan dalem itoe kamar masi ada sinar teranguja iampoe. Dengen tindakan perlahan itoe orang menjamperin pada satoe djendelanja itoe kamar, tapi koetika ia
