-61-
poenja djiwa Denger apa jang akoe maoe bilang dan kasi djawaban sadja apa jang perloe. Kaoe telah goenaken kaoe poenja pengaroeh jang telah malepas banjak boedi pada Tan tayswee, boewat paksa ia melakoeken perboewatan jang melanggar kaadilan dan mendjadi kaoentoengannja kaoe poenja sala-satoe familie, dan Tan Tayswee lantaran maloe hati pada kaoe, terpaksa soeda maoe meloeloeskan, tapi ini hal tida boleh kadjadian, sebab kaloe sampe kadjadian, dalem ini doenia tida ada kaadilan lagi. Maka kaoe moesti tarik poelang kaoe poenja permintahan pada Tan Tayswee, bikin ia djadi terlepas dari iapoenja perdjangdjian. ini hal kaoe moesti lakoeken di hari esok, kaloe tida, besok malem akoe dateng ambil kaoe poenja djiwa, mengerti?
„Tapi ingat, kaoe sama sekali tida boleh bitjaraapa-apa rentang akoe poenja koendjoengan pada ini malem, sebab kaloe sadja kaoe brani bitjara sedikit sadja tentang akoe poenja koendjoengan sekarang, tida perdoeli bagimana djoega, dengen tida ampoen lagi akoe aken bikin melajang kaoe poenja djiwa. Kaoe bisa mengerti sendiri sampe bebrapa djaoe orang orang Jari kita poenja golongan poenja kapandean dan pengaroeh, hingga kaoe tida nanti brani tjoba pandang enteng akoe poenja antjaman itoe."
„Ja, baek, akoe aken menoeroet tay-ong poenja segala prentan," kata Paoa Boe Liang dengen soewara katakoetan, kerna goloknja itoe tetamoe malem teroes ditoedjoeken pada iapoenja dada.
„Akoe taoe pasti jang kaoe tjoçma bitjara begitoe di hadepan akoe sadja, perloenja boewat loepoetken kaoe poenja djiwa dari bahaja maoet," kata itoe tetamoe malem dengen soewara menjindir, „hingga di hari esok apa jang kaoe aken berboewat, itoelah masi
