-74-
Boen haroes dibelaken atawa tida. Achirnja akoe aken bilang bahoewa Tjhio Tjoe Boen haroes dihoekoem, sebab iapoenja perboewatan berdosa, soepaja mengasi tjonto pada rahajat boewat mengindahken pada oendang-oendang negri; boleh djoega tambahken bilang bahoewa sabrapa bisa akoe tjoema bisa menoeloeng soepaja Tjhio Tjoe Boen bisa mendapet sedikit kaentengan dari hoekoemannja jang samoestinja. Belon taoe ajah poenja pendapatan baginiana?"
Kian Wie manggoet-manggoetan kapalanja.
„Ja, ja, memang djoega akoe poenja lie pok-soe ada sangat pintar dan berpamandangan loewas," kata ia dengen girang. „Besok akoe aken. panggil pada Phoa Boe Liang dan bilang begitoe roepa padanja"
„Kaloe akoe ada mendjadi sobatnja entjek Boe Liang," kata lagi Hong Bwee, „akoe aken berboewat lebih djaoe dari itoe, sabagi satoe sobat jang haroes mengasi advies baek pada sobatnja jang ditinjta, akoe aken bilang padanja sateroesnja ia haroes berboewat segala apa dengen djoedjoer dan adil, sebab oendang-oendang negri tida kenal pangkat tida mengenal deradjat, siapa jang bersalah moesti dihoekoem, maka salah sekali djikaloe orang soeka pikir ada mempoenjai andelan dan senderan koewat lantas berboewat apa apa dengen sasoekanja, sebab taro kata wer dalem doenia boleh djoega disimpangken dengen perboewatan jang tida djoedjoer, tapi masi ada wet Thian jang tida bisa dipoengkir."
„Kombali kaoe benar, anak koe," kata Kian Wie. „Besok akoe aken kasi Boe Uang nasehat begitoe roepa, sebab kaloe ia mendjadi saorang baek poen, akoe poenja hati merasa senang sekali, dan dengen satjara beginilah, baroe dengen sasoenggoenja akoe membales iapoenja boedi kabaekan."
