-78-
tangan pada Boe Liang, sebegitoe lekas bisa didapetken satoe koetika bagoes.
Tida antara lama kamoedian lantas kadengeran soewara riboet riboet di sabelah depan, dibarengin sama sinar merahnja api jang naek ka atas, katanja di dalem kamar tetamoe telah terbit bahaja api, hingga banjak orang jang mendjaga di tempat jang berdeketan memboeroe ka itoe djoeroesan; tapi ampir dalem sa'at iloe djoega di blakang poen ada sinar api jang mengkobar-kobar, dan soewara banjak orang jang bertreak-treak minta toeloeng, sekarang di goedang kajoe bakar, blakangnja kamar dapoer, jang terbit bahaja kabakaran, hingga ka adahan di sitoe djadi sauget kaloet, dan itoe oppas-oppas jang mendjaga di sakiter kamarnja Phoa Boe Liang poen pada lari saraboetan ka depan dan ka blakang, dengen maksoed boewat menoeloengin bahaja api.
Meliat di dekat kamarnja Phoa Boe Liang soeda tida begitoe banjak lagi pendjaga seperti doeloean, Lian Eng dan Kong Liat lantas lompat toeroen dan serang pada ampat atawa lima oppas jang masi tinggal mendjaga di sitoe. Oleh kerna itoe serangan ada begitoe mendadak, dengen gampang sekali Lian Eng dan Kong Liat bisa tiam oeratnja itoe lima oppas hingga djadi berdiri diam dengen tida bisa bergerak sabagi djoega satoe patoeng.
Dengen tida memboewang lagi tempo itoe doewa hiapkek menjamperin djendela kamarnja Boe Liang dan korek sama marika poenja golok; tapi baroe sadja itoe daon djendela diboekaken. mendadak dari sebelah dalem ada menjamber kaloewar satoe piauw, beroentoeng Lian Eng dan Kong Liat semoewanja ada achli silat tinggi, maka dengen gampang sadja iaorang bisa lompat menjingkir, sekali poen itoe piauw
