-82-
Pada sabelonnja Lian Eng dan Kong Liat dateng dekat pada itoe rombongan orang-orang jang bertempoer, mendadak Lee Na bisa samber poendak kanannja iapoenja lawanan, jang teroes djato bergloetoekan di atas genteng dan terbanting ka atas lataran. Boe Liat poen ampir dalem sa'at itoe djoega bisa tantjap iapoenja golok di lamboeng kirinja iapoenja salasatoe lawanan, jang bertereak dengan keras dan djato bergloetoekan di sapandjang genteng, kamoedian terbanting ka lataran sabagimana kawanja.
Tiga moesoeh jang laennja djadi sangat terkedjoet tapi pada sabelonnja iaorang taoe apa jang terdjadi, sala-satoe antaranja lengan kanannja kena kasabet oleh Giok Kay poenja golok, hingga ia terpaksa malepasken sendjatanja sembari balikin badan maboer ka sabelah kanan. Lee Na poen tida tinggal diam dengen katjepatan seperti kilat, ia serang moesoehnja dan dengen satjara pande ia bisa papas daon koepingnja iapoenja moesoeh itoe, dan loekaken djoega ia poenja poendak, hingga itoe moesoeh terpaksa goenaken tipoe tjioe teekoen, goelingken badannja sembari lompat toeroen ka lataran. Sedeng kawannja jang tinggal satoe lagi, boeroe boeroe oeloer kakinja maboer ka djoeroesan kanan.
Djoestroe pada itoe waktoe Lian Eng dan Kong Liat sampe.
„Lo-san, mama Lo-dji dan Lo-soe, apa iaorang belon balik dari sabelah blakang?" menanja Lian Eng pada Lee Na.
Goedang-Tjerita seteroesnja berichtiar aken memoeat tjerita-tjerita silat sadja jang origineel, pembatja nanti bisa boektiken sendiri,
REDACTIE Ooedang-Tjerita.
