-84-
VII
Kita haroes moendoer doeloe dari ini tjerita boewat terangken itoe sabelas orang ilmoe silat, jang dengen mendadak moentjoel di dalem kantoornja Liat-tay.
Tatkala sorenja harian Phoa Boe Liang bikin pengadoean dan mengasoet pada Tan Kian Wie tjongtok, dengen kagirangan jang tida terdoega, Boe Liang trima koendjoengannja iapoenja engkoe Tjhio Tjoe Boen, jang diiringken oleh sapoeloeh orang gaga.
„Slamat dateng dan slamat merdika, soedara," kata Phoa Boe Liang pada ia poenja ipar itoe;,, tapi dengen tjara bagimana kaoe bisa dimerdikaken dari pendjara? Sedang ini sepoeloeh orang orang gaga siapa?,,
Ini oeroesan kaloe maoe ditjeritaken ada pandjang sekali," saoet Tjhio Tjoe Boen. „Sabagimana tjihoe soeda taoe akoe telah mendekam dalam pendjara tihoe di kongtjioe, sebab Loei Djip Lay tikoan tida brani tanggoeng tanggoengan dan pasrahken akoe pada Tjian Khong Hong tihoe. Kamaren sore ini soedara angkat Ban Boe Tek bersama enso Thio Kioe Nio," bitjara sampe di sini ia menoendjoek pada itoe orang tinggi besar jang koelit moekanja itam dan penoeh brewokan bersama itoe prampoewan moeda jang ioeboenja tinggi ketjil," dateng mengoendjoengin roemahkoe, tapi soeda tentoe sadja ia orang tjoema katemoeken sadja akoe poenja istri, jang kasi taoe bahoewa akoe sekarang berada di dalem pendjara Kong'jioe, serta toetoerken djoega sebab sebabnja.
Akoe poenja soedara angkat dan enso angkat djadi Sangat goesar, dan itoe malem djoega ia maoe pergi menjatronin kantoor tihoj boenoeh mati itoe pembesar dan merdikaken akoe dari pendjara; tapi
