— 83 —
Yak Kieng Sian Thian Ik So.
H O E N D J O E K K E T R A N G A N
-621-
Dalem peritoengan djikaloe trada aral, perkara soesa djadinja,
Die atas inie, kelach terang membikien soesahnja,
Dan lagie djikaloe trada mampoe kasie djalan hartanja,
Lebie baik rendah, djangan meneroesken kamaoewanja.
-622-
Tanjak peritoengan ikoet ambtenar maoe taoe baik op tidanja,
Dalem inie tempoo soesah boewat die tjerita,
Lebie baik setiar lain boewat piara roemah tangganja,
Soepaia harie blakang djangan sampee djadie meneselnja.
-623-
Belie sawah tanjak peritoengan maoe taoe baik op tidanja,
Abies die belie tamtoe banjak kaoentoenganja,
Boengaken hatie djikaloe maoe taoe kateranganja,
Harie kamoedian aken mendjadie pakaija-annja.
-624-
Dalem peritoengan trada dapet karoekoennanja,
Hadjak temen bakerdja soesah aken djadienja,
Djikaloe paksa oleh kamaoewanja,
Harie blakang terang membikien setorinja.
