Pantoen Orang Moeda.
———⇔———
Djiga ada boenga andjelir,
Baoenja haroem moedik milir,
Pantoen memang djalan menjindir,
Itoe djoega boleh di pikir.
Banjak Banten mendjadi njai,
Satoe tiada kebagian,
Djangan denger orang menjanji,
Ati di dalem tiada karoewan.
Ambil boejoeng menjirem kembang,
Bae di sirem kembang melati,
Djiga boeroeng saja terebang,
Bakal meliat si djantoeng ati.
Renang rening aer di tahan,
Ambil daon menjoetji piring,
Demem dingin boleh ditahan,
Ati kangen di mana kirim.
43
Sapoetangan pinggir di kelim,
Soeda di kelim di gigibalang,
Ati kangen dimana kirim,
Maoe di kirim boekannja barang.
Sapoetangan di kakata lingsoe,
Djeroek manis di para para,
Ati kangen dikata lesoe,
Maoe menangis takoet kentara.
Djeroek manis di para-para,
Batang temoe di dalem korang,
Maoe menangis takoet kentara,
Dapet ketemoe di moeka orang.
Batang temoe di dalem korang,
Ambil asem lah dari rawa,
Dapet ketemoe di moeka orang,
Poekoel mesem dengan tetawa.
Saja mendjait si sapoetangan,
Lipet setangan lah poetjoek paoe,
Lempar batoe semboeni tangan,
Soepaja djangan lah orang taoe,
