50
Rawana radja Rawana,
Pande sekali mengadoe pana,
Djiga laoetan mendjadi tana,
Baroe saja dateng kesana.
Praoe sarat bermoeat kendi,
Soeda sarat dimoeatin lagi,
Orang jang djahat baean pegi,
Tida haroes diliat lagi.
Saja medjait si kaen item,
Lagi didjait djaroemnja ilang,
Djiga toewan lah soeda bosen,
Bilangin saja lah teroes terang.
Tida sebab ranggasedoelang,
Tjoenia tida bermoeat pelor,
Tida sebab Nona se-orang,
Tida doenia sedaon kolor.
Toean kodja saja poen kodja,
Sama-sama mendjoeal kaen,
Toewan moeda saja poen moeda,
Sama-sama mentjari laen.
51
Ratoe-ratoe membela poentoeng,
Boeroeng terbang atas keramat,
Satoe-satoe lah poenja oentoeng,
Djalan toewan dengan selamat.
Slamat tinggal orang Betawi,
Saja brangkat ka Soerabaja,
Slamat tinggal si djantoeng hati,
Djangan loepa kepada saja.
Tanem padi betoemboe padi.
Padi toemboe sama ratanja,
Nona pegi selamat pegi,
Saja ditinggal apa rasanja.
Toewan pengoeloe mendjemoer kaen,
Rama-rama di dalem korang,
Kendati sepoeloe ada jang laen,
Tiada sama Nona se-orang.
Oedjoeng siri moestika pinang,
Akar kerendang dalem perahoe,
Toedjoe dipilih sembilan ditimbang,
Toekar menamba saja belon maoe.
