— 222 —
Sebegimana ija telah berniat, begitoelah djoega Dantes itoe berboewat. Doewa kali pada saban hari ija boewangken makanannja ka loewar kamar, dengen liwatken itoe di antara djari-djari besi djendela atawa lobang angin ijang tida besar adanja. Lebih doeloe ija boewangken itoe dengen merasa senang hati, kemoedian dengen berpikir, achir-achirnja dengen merasa doeka hingga djikaloe tida inget pada soempahnja sendiri, barangkali djoega tida bisa teroes ija boewangken makanan itoe.
Itoe makanan ijang doeloe membri rasa 'nek padanja, sekarang ini ada kelihatan olehnja seperti enak sekali: maka sering kali Dantes pegangi piringnja itoe makanan sampe lebih dari satoe djam lamanja, dan sedeng begitoe, matanja Dantes mengawasi sadja pada daging ijang telah berbaoe, atawa ikan ijang soedah berek dan roti kasar ijang soeda boeloekan.
Tempo-tempo Dantes merasa ijang ija di pendjara tida kelihatan doekanja seperti di tempo-tempo ijang telah laloe, dan ija (Dantes) poenja hal belon sampe poetoesken antero harepan: ija poen seorang masih moeda, tida ada lebih toewa dari doewá poeloeh lima atawa doewa poeloeh anem tahon; boleh djadi nanti ija bisa idoep lagi lima poeloeh tahon, jaitoe doewa kali oemoernja ijang sekarang.
Di dalem tempo ijang begitoe lama, boleh terdjadi banjak perkara: siapatah taoe, kaloe-kaloe nanti ada hoeroe-hara, hingga orang petjahken pintoenja benteng d'If dan roeboehken tembok-tembok pendjara, dan lepasken segala orang toetoepan.
Djika beringat sebegimana terseboet di atas ini Dantes moelai menggigit pada makanan, tapi sigra djoega ija moen-
