— 223 —
tahken itoe, kerna ija ingat pada soempanja dan merasa takoet nanti terbentji pada dirinja sendiri, kaloe sampe melanggar soempahnja.
Dengen begitoe Dantes itoe bikin sangsaraken dirinja sendiri, hingga sigralah djoega badannja djadi lemas sekali dan ija tida koewat berdiri lagi aken limparken makanan ka loewar pendjara.
Sampe pada hari besoknja, Dentes merasa mabok, hingga ampir tida bisa melihat atawa mendenger apa-apa. Cipier ada sangka, ijang Dantes itoe ada sakit. Sampe pada waktoe sore, Dantes tida rasai apa-apa lagi: peroetnja tida rasa peri lagi, aoesnja poen hilang; tapi kaloe ija meram, ija dapet lihat joetaän sinar terang haloes-haloes, ijang melajang dan berkedip-kedip seperti terangnja koenang-koenang di waktoe malem : Dantes rasa, itoelah tjahaja siang ijang kabakarän.
Di waktoe poekoel semibilan, Dantes dapet/denger dengen sekoenjoeng-koenjoeng satoe soewara ijang seperti boenjinja tembok terdjotos-djotos atawa tergaroek-garoek; maka Dantes angkat kapalanja dan memasang koepingnja.
Njatalah ijang soewara itoe ada terbit dari pada tembok ijang dikeroek-keroek atawa dikorek-korek. Edmond Dantes merasa segar, dari sebab beringat nanti dapet kalepasan dari pendjara. Siapatah taoe kaloe ada satoe sobat baik ijang hendak membri toeloengan dengen gasir temboknja itoe pendjara!
Dantes teroes memasang koeping. Soedah berlaloe doewa djam lebih, itoe soewaranja ijang terdenger tadi, lantas berenti, dan lantas terdenger boenjinja tanah atawa tembok ijang goegoer. Bebrapa djam kemoedian, Dantes denger
