— 224 —
kombali itoe soewara tembok dikorek-korek, dan sekarang soewara itoe ada terdenger tegas sekali. Sedeng begitoe, cipier dateng dengen sekoenjoeng-koenjeoeng membawa barang makanan.
Soedah berapa hari lamanja, jaitoe sadari berniat aken memboenoeh diri. Dantes tida sekali ada mengomong pada orang itoe: djika ditanja, ija poen tida menjahoet, hanja memboewang moeka dengen berbalik pada tembok. Sekarang ini, kaloe Dantes berdiam sadja, boleh djadi itoe cicpier nanti denger itoe boenjinja tembok dikorek-korek; sebab begitoe, setelah itoe cipier dateng Dantes lantas bangoen dan berdoedoek di pembaringan, laloe mengomel dengen soewara keras dan riboet bahoewa makanan terlaloe djelek, bahoewa hawa ada terlaloe dingin, dan lain-lain tjomelan lagi.
Itoe cipier tida menjahoet: ija taro sadja barang-barang makanan itoe di atas meddja, laloe ija berangkat pegi dengen berkata di dalem hatinja, bahoewa sekarang Dantes moelai kalap.
Tempo soedah ada sendirian kombali, Dantes dengari poela boenjinja itoe tembok tergaroek-garoek dan boenji itoe njata sekali, hingga maskipoen Dantes tida deketken koepingnja pada tembok, ija dapet denger dengen terang, dan ija dengeri itoe dengen merasa girang.
„Tentoe sekali tida sala doegaänkoe!” kata Dantes sendiri-diri: „dari sebab maskipoen soedah siang hari, ini boenji masih terdenger djoega, tentoelah ada seorang toe-toepan ijang gasir tembok soepaja dapet djalan aken minggat. Oh, kaloe akoe ada sama-sama dia, tentoe sekali akoe membantoe dia menggasir!”
