— 225 —
Aken tetapi sigra djoega Dantes itoe merasa doeka, kerna ija teringat, brangkali djoega boenji itoe ada terbit dari kerdjanja toekang-toekang ijang disoeroeh betoeli ini atawa itoe di dalem kamar ijang terdamping.
Boewat dapet taoe hal itoe, tida soesah: kerna kaloe menanja sadja pada cipier, tentoelah djoega lantas dapet katrangan. Tapi misti menanja tjara begimana? Dengen meminta pada cipier, soepaja dia tjoba denger itoe boenji ijang kedengeran? Begimanalah djadinja, saände noenji itoe ada terbit dari kerdjanja orang itoe djadi batal dan orang itoe dapet katjilakaän!
Dantes dapet pikiran lain. Ija lantas bengoen dan mengamperi pada medja, di mana ada makanan ijang baroe ditaroe oleh cipier, laloe ija mengiroep sedikit koewah soep. Kemoedian ija lantas toenda makan itoe, kerna ija taoe denger orang tjerita, bahoewa orang-orang pelajaran ijang dapet tjilaka dilaoetan, hingga bebrapa hari tida dapet makan, kamoedian dapet toeloengan, — tida boleh lantas makan banjak-banjak, dan kaloe dibri makan banjak, tentoe sekali ija djadi mati. Dari sebab sekarang ini Dantes tida maoe djadi mati dengen lekas, maka ija tahan napsoenja, maskipoen sanget ija kapingin dahar itoe barang-barang makanan ijang ada di medjanja.
Dari sebab soedah dapet makan sedikit, pikirannja tida melajang-lajang lagi, dan ija bisa berpikir dengen beres. Ija berkata pada dirinja sendiri: Akoe nanti tjoba tjari katerangan dengen tida membikin tjilaka pada orang. „Akoe nanti ketok ini tembok: kaloe itoe orang ijang bekerdja, satoe toekang adanja, ija nanti lantas berenti aken mendenger
