— 227 —
aken membantoe, Dantes lantas pindahken bale pembaringannja; di betoelin itoe sang boenji ada terdenger.
Tida ada satoe barang ijang boleh dipake korek tembok. Tida ada besi lain djari-djari djendela, dan djari-djari itoe tida boleh dilolosken. Pada bale pembaringannja ada djoega besi-besi pengantjing kajoe, tapi besi ini ada dikantjingken dengen pakoe-pakoe, sekroep. Melinken ada satoe barang sadja ijang boleh djoega digoenaken, jaitoelah kendi ajer: petjahnja ini gendi nanti boleh djoega dipake korek-korek tembok boeat lolosken batoe.
Dantes lantas djatohken kendi itoe ijang lantas djoega djadi petjah dan belarakan di tanah. Ija pilih bebrapa potong petjahannja kendi itoe dan oempetken itoe di bawah roempoet kering di pembaringannja. Sigra djoega Dantes itoe moelai kerdja sebagimana ijang telah diniati olehnja; aken tetapi dari sebab iyoe waktoe ada gelap, maka soekarlah aken ija bekerdja, kerna tida dapet melihat, dan sigralah djoega ija poenja petjahan kendi bertemoe pada barang keras ijang tida dapet digoegoerken dengen dikorek-korek. Maka Dantes lantas pindaken kombali bale pembaringannnja pada tempat ijang dia gali laloe ija menantiken terbitnja siang.
Di dalem antero malem itoe Dantes memasang koeping dan dengeri boenjinja tembok ijang digasir.
Setelah terbit mata0-hari, cipier dateng ka dalem pendjaranja Dantes, dan Dantes lantas tjerita, bahoewa sedeng ija minoem di hari kemaren, kendi ajer telah terlepas dari tangannja dan djadi petjah. Dengen mengomel cipier itoe lantas pergi mengambil satoe kendi baroe, sedeng petjah-petjahan dari kendi ijang djadi antjoer, tinggal belarakan djoega di tanah. Sigra djoega cipier itoe dateng kombali
