— 229 —
Di waktoe sore Dantes taro piringnja itoe di tanah pada dekat pintoe, di mana cipier biasa djalan; tempo ini cipier dateng, ija kena indjak piring itoe, ijang lantas djoega djadi antjoer. Tapi sekarang Dantes tida boleh disesalin: betoel ija ada salah oleh kerna soedah taro piring itoe di tanah, tapi cipier poen misti melihat djangan mengintjak sadja dengen memboeta. Itoe cipier menggerendang dengen soewara di dalem leher, laloe ija melihat koeliling aken dapetken apa-apa boewat tempat soep; tapi Dantes poenja perabot medja tida lebih dari satoe piring dan satoe sendok.
„Biarkenlah koewali itoe di sini," kata Dantes pada itoe cipier: „besok pagi, kaloe kaoe bawa lagi makanankoe, kaoe boleh ambil itoe koewali."
Ini adjaran ada senangken hatinja itoe cipier ijang males, kerna djikaloe ija toeroet adjaran itoe, ija traoesa berdjalan boelak-balik naik-toeroen di tangga; maka lantas!ah djoega ija tinggalken koewali itoe di medja Dantes.
Dantes bergoemetar dari sebab merasa girang, lantas sadja ija makan soep itoe dengen sepotong roti. Kemoedian, sesoedahnja menoenggoe satoe djam lebih dan tida koewatir nanti cipier dateng kombali, lantas sadja ija kisarken bale pembaringannja, teroes ambil itoe koewali soep dan goenaken gagangnja itoe seperti satoe tjongkelan. De- ngen gampang Dantes dapet gerakken itoe batoe ijang terseboet di atas ini, dan sasoedahnja bekerdja lama sedikit, lantas dapetlah ija tjaboet batoe itoe dari itoe tembok ijang tebel, dan sekarang djadi berlobang. Soepaja dapet banjak perolehan dengen toeloengan gagang koewali besi, Dantes bekerdja di antero malem. Pada waktoe ampir pagi, ija taro pembaringan di tempat biasanja; laloe ija
