— 253 —
ingetankoe dalem bahasa itoe. Akoe taoe hampir seriboe perkataän ijang perloe, maskipoen dalem daftar ada barangkali seratoes riboe perkataän: Barangkali akoe poenja bitjara koerang bagoes, tapi ada sampe tjoekoep aken dapet di artiken."
Dantes semangkin lama semangkin heran mendengar kepandeannja Padri Faria dan ija mamandang dengen bengong seperti seorang ijang djarang sekali terdapat. Tetapi ija hendak mentjoba, apa ija tida.melawan pengakoeannja sendiri, dari itoe ija bertanja:
„Tetapi, kaloe orang tida membri pena padamoe, dengan apa kaoe soedah toelis rentjana ijang pandjang itoe?"
„Pena itoe akoe bikin dari toelang ikan ijang saban-saban di membri makan padakoe. Dengan pena itoe akoe toelis dengan gampang dan akoe tida kekoerangan pena sebab saban hari Rebo, Djoemahat dan Saptoe akoe dapet ikan itoe. Dalem menoelis rentjana itoe akoe tida ingat aken kesoesahankoe."
„Tetapi itoe tinta, dari apakah kaoe bikin?"
„Doeloe dalem kamar toetoepankoe ada lobang asep. Itoe lobang roepanja sebelon akoe dateng disini soedah di toetoep, tetapi dari sebab lobang itoe bertaoen-taoen digoenaken, maka banjaklah sawang api didalemnja. Itoe sawang api akoe tjampoer dengan anggoer ijang di membriken padakoe pada tiap-tiap hari minggoe. Kaloe perloe akoe memboeat katerangan sana sini dalem rentjana itoe, maka akoe loekaken sala satoe djarikoe dan darah ijang keloear akoe pake seperti tinta."
„Kapankah akoe bisa lihat segala itoe?"
„Kapan sadja kaoe soeka."
