— 515 —
XXXVI
PENDJAHAT-PENDJAHAT DI ROME.
,,Cucumetto ada kelihatan seperti maoe kaboelkan permintaän Carlini, kerna ija soeroeh Carlini itoe tjari satoe gombala, ijang boleh di soeroeh pergi pada ajahnja Rita di Frosinone,
,,Maka dengen girang nati Carlini mengamperi pada Rita aken bri taoe bahoewa nona ini telah terlepas dari bahaja dan laloe ija minta si nona menoelis pada ajahnja sendiri aken bri taoe apa ijang telah djadi, dan lagi bahoewa besarnja oewang peneboes telah ditentoeken tiga ratoes piaster.
,,Tempo, ijang dibriken pada ajah itoe aken dateng meneboes anak, melinken doewa belas djam sadja, ija-itoe sampe pada besok pagi poekoel sembilan.
,,Tempo soerat itoe soeda tertoelis oleh Rita, Carlini berlari-lari membawa itoe ka lembah goenoeng, aken tjari seorang ijang maoe bawa soerat itoe pada ajahnja Rita. Sigralah djoega ija dapetken satoe gombala ijang maoe djadi soeroehan. Satoe gombala memang biasa djadi soeroehan di antara begal-begal di goenoeng pada orang-orang ijang beroemah di dalem kota."
,,Ini gombala ada berdjandji pada Carlini, bahoewa di waktoe tengah malem ija nanti soedah ada di Frosinone.
,,Maka dengen senang hati Carlini balik kombali ka goenoeng aken hiboeri hatinja Rita dengen kabar ijang baik".
,,Ja dapetken teman-teman di tempat biasanja berkoem-
