— 524 —
nja Rita; maka sebelonnja berangkat, ija pergi doeloe ka koeboeran Rita aken tjoba tengok ajahnja nona. itoe. Ija dapetken orang toewa itoe telah mati dengen tergantoeng pada satoe tjabang poehoen ijang menedoehi koeboeran anaknja. Dengen doeka hati Carlini itoe lantas bersoempah di depan itoe mait dan di depan koeboerannja Rita, ijang ija nanti toeloeng membalas sakit hatinja marika itoe.
Aken tetapi Carlini itoe tida dapet landjoetken niatan hatinja; kerna pada doewa hari kemoedian, sedeng kambratnja bekalahi sama satoe barisan soldadoe, ija terboenoeh mati. Bebrapa kambratnja ada merasa heran oleh kerna sedeng moesoeh ada di depan, Carlini itoe djadi roeboeh dengen lantaran kelanggar pelor ijang dateng dari belakang. Kemoedian kambrat-kambratnja itoe tida heran lagi, tempo ija orang soedah denger dari satoe kambrat ijang lain, bahoewa tempo Carlini roeboeh, Cucumetto ada berdiri dekat di belakangnja.
,,Itoe Cucumetto telah ikoeti Carlini, tempo Carlini ini pergi di waktoe gelap ka koeboerannja Rita, dan Cucumetto dapet denger omongannja Carlini ijang besoempah di depan mait dan koeboerannja Rita. Sebelon Carlini sempat berboewat djahat padanja, Cucumetto itoe binasaken Carlini.
,,Hikajatnja itoe Cucumetto," kata poela Pastrini ijang teroesken tjeritanja:,,sering-sering djadi biang omongan di antara Luigi dan Teresa, dan nona ini bergoemetar, pada tiap kali Luigi omongken pendjahat itoe. Teresa poen, sebab kerdjaännja mengangon domba, sering kali ija ada di tempat soenji, dan dari sebab begitoe, boleh djadi djoega ija nanti disatronin oleh Cucumetto itoe. Tapi kaloe ija merasa takoet, Luigi selaloe senangken dia dengen berkata: ,,sedikit poen kaoe
