— 525 —
traoesah koewatir!" dan sambil bilang begitoe, Luigi itoe bersenjoem dan mengoesoet-oesoet pada senapannja.
,,Pada soewatoe hari, sedang Luigi dan Teresa itoe doedoek beromong-omong, bahoewa ija-orang berdoewa nanti djadi laki dan istri, kaloe Luigi soedah bero emoer doewa poeloeh tahon, sekoenjoeng-koenjoeng ija orang dapet denger boenji senapan, dan laloe dengen kaget ija-orang lihat seorang lelaki ijang kaloewar dari hoetan dan berlari-lari mengamperi padanja.
,,Setelah soedah deket, lelaki ini berkata pada marika:
,,Akoe diboeroe moesoeh! apa kaoe bisa oempatken akoe?"
,,Luigi dan Teresa lantas kenali orang ijang dateng itoe, ja itoelah Cucumetto sendiri. Di antara orang-orang desa memang poen sanantiasa ada merasa soeka aken membri toeloengan pada begal, lebih lagi pada kapalanja; hal ini brangkali djoega ada terdjadi, dari-sebab orang-orang desa ada harepan, ijang djikaloe ija orang soedah membri toeloengan pada pendjahat, orang ini nanti beringat pada ijaorang poenja toeloengan itoe dan tida nanti maoe mengganggoe padanja.
,,Maka dengen tida berkata satoe apa Luigi hamperi satoe batoe ijang djadi toetoepnja satoe lobang goewa, laloe ija kisarken batoe itoe sambil kedipi Cucumetto, soepaja pendjahat ini masoek mengoempat di itoe goewa ijang tida ketahoeän oleh orang lain. Sesoedahnja Cucumetto masoek ka goewa itoe, Luigi kisarken kombali itoe batoe ijang tadi, hingga goewa itoe djadi tertoetoep kombali.
Baroe sadja Luigi berdoedoek kombali di dekat Terese, ampat soldadoe berkoeda lantas kalihatan olehnja di pinggir hoetan; tiga soldadoe itoe menengok ka sana sini, sedang
