— 529 —
nja itoe poetri ijang menoendjock, laloe ija pergi hamperi Teresa dan oendang nona ini, soepaja toeroet menari di dalem kawanannja ijang aken dikepalai oleh Carmela.
Teresa merasa kaget oleh kerna dapet itoe oendangan, laloe ija menengok dan menanja pada Luigi dengen mata. Tida ada djalan aken menampik oendangan itoe, maka Luigi lantas lepasken tangannja Teresa, ijang lantas djoega ditoentoen oleh itoe lelaki bangsawan ka dalem medan menari.
,,Maskipoen Teresa ada berpakean rebo, banjaklah bedanja itoe, kaloe dibanding sama pakeannja Carmela dan nona-nona bangsawan ijang ada di medan itoe: pakeannja marika itoe poen ada berkeredep kerna tertaboer dengen emas dan permata-permata moelia, ijang bergilang-goemilang di sinar api. Teresa djadi merasa doeka, oleh kerna pakean dan perhiasannja tida ada sebagimana itoe. Luigi poen di itoe waktoe ada merasa koerang enak di hati, ija merasa dapet taoe apa ijang ada di dalem hati Teresa, ijang memang soeka sekali sama pakean bagoes.
,,Tida poetoes Luigi itoe memandang pada Teresa dan itoe lelaki bangsawan tadi, dan tempo Teresa terpoeter-poeter menari sama itoe lelaki, Luigi djadi merasa kliwat tida enak sedeng hatinja ada berdebar keras sekali.
„Djika melihat lelaki itoe beromong-omong pada Teresa, kendatipoen nona ini ada mendengeri sembari toendoek sadja, Luigi itoe ada merasa taoe betoel, bahoewa lelaki itoe ada memoedji-moedji pada Teresa, aken tarik nona ini poenja hati. Sedeng begitoe Luigi poenja hati ada seperti dilanggar-langgar oleh sendjata, dan koepingnja ada merasa denger
