— 530 —
banjak soewara ijang soeroeh ija mengamoek. Maka dari sebab koewatir nanti tida bisa menahan napsoe hatinja, ija memegang keras dengen sebelah tangan pada tiang pagar kajoe di mana ija ada bersender, sedang tangannja ijang laen ada memegang pada kapala golok di pinggangnja, ijang ampir tertarik saäntero dari dalem saroengnja.
,,Luigi itoe ada tjemboeroean: ija koewatir kaloe-kaloe Teresa nanti meloepaken padanja oleh kerna dengar lain lelaki poenja omongan manis.
,,Teresa itoe, boekan sadja potongan moekanja ada bagoes, hanja ajer moekanja poen rame dan manis; maka kaloe ija ada merasa ingin kaeilokannja poetri Camela, poetri ini poen ada merasa ngiri oleh kerna melihat eiloknja Teresa itoe.
,,Sasoedahnja berenti menari. Teresa diantarken kombali pada Luigi oleh itoe lelaki bangsawan tadi.
,,Salagi menari, Teresa ada menengok bebrapa kali pada Luigi, dan pada tiap kali ija menengok, ija dapet lihat moeka Luigi ada poetjat sekali; ija lihat djoega tjara bagimana Luigi ada memegang pada kapala golok dan ampir terhoenoes sendjata itoe; maka sedeng ija menari, hatinja ada merasa sangat koewatir.
,,Sigra djoega orang hendak menari kombali, tapi tempo orang tjari Teresa, nona ini soeda mengilang dari tempatnja tadi dan tida dapet ditjari pada tempat dekat-dekat di sitoe. Luigi ada merasa tida koewat aken melihat kombali Teresa berpoejang-poejang sama lelaki; maka sebelonnja orang bergerak aken menari kombali, ija soedah bawa Teresa ka bagian lain di dalem kebon besar itoe.
„Teresa ada djadi koerang senang, tapi ija ada merasa djoega ijang Luigi ada koerang enak hati padanja dan mas-
