— 531 —
kipoen ija tida berboewat salah satoe apa, ija mengarti djoega, ijang Luigi ada poenja hak aken omelin dia, tapi itoe omelan boewat perkara apa, ija sendiri pikir tida ada djalannja.
,,Tapi Luigi tida sekali ada berkata satoe apa, hingga itoe Teresa ijang telah merasa bakal diomelin, djadi merasa senangan.
,,Aken tetapi, tempo hawa di kebon soedah djadi terlaloe dingin dan sekalian tetamoe berdjalan masoek ka dalem astana, oleh kerna itoe, Luige tida toeroet pada marika itoe, hanja berdjalan antarken Teresa poelang ka roemahnja. Tempo sampe di depan pintoe roemahnja Teresa, Luigi berkata pada nona itoe :
,,Tjobalah bilang padakoe Terasa, kaoe ini ada beringat apa, tempo kaoe ada menari sama-sama itoe poetri de San Felice".
,,Akoe ingat", sahoet si nona: akoe maoe kasih separo oemoerkoe, kaloe boleh dapet pakean sebegimana ijang dipake oleh poetri itoe".
— ,,Itoe lelaki ijang menari sama kaoe, ada bilang apa?"
— ,,Ja bilang, akoe boleh dapet pakean begitoe, kaloe sadja akoe berkata ada kapingin itoe".
— ,,Benar sekali. Tapi apa kaoe ada kapingin itoe, sebegimana kaoe soedah bilang tadi?"
— „Ja“. — ,,Kaoe nanti dapet pakean itoe".
,,Teresa merasa heran oleh kerna Luigi berkata begitoe, tapi sebelonnja ija sempat menanja aken terangken omongan lelaki itoe, ija dapet lihat moekanja Luigi ada asam sekali, hingga ija djadi berdiam sadja. Luigi sehabisnja berkata, teroes sadja berlaloe. Teresa memandang padanja itoe dengen
