— 537 —
senantiasa ija intip Teresa itoe, dan setelah ija dapet lihat nona itoe di tinggalken sendirian di dalem goewa oleh Luigi ijang berdjalan pergi aken mengoendjoek djalan, sigralah djoega ija masoek ka dalem goewa itoe, pondong si nona eilok dan bawa lari menoedjoe ka dalem hoetan. Ija rasa Teresa toe soedah djadi poenjanja, tapi pelornja Luigi dateng melanggar pada hatinja dan roeboehken dia di tepi hoetan.
,,Luigi memandang sekoetika lamanja pada maitnja Cucumetto, sedeng Teresa ada berdiri dengen bergoemetar. Kemoedian Luigi menengok pada toendangannja, dan laloe berkata:
,,Ha! bagoes sekali! kaoe soedah berpake-pake! sekarang adalah gilirankoe aken toekar pakean."
„Ja sekarang itoe Teresa ada rebo sekali, kerna ija ada berpake poetri Carmela poenja pakean, ijang poetri ini telah pake pada waktoe menari di dalem pesta. Luigi pondong maitnja Cucumetto dan bawa itoe masoek ka lobang goewa, sedeng Teresa tinggal menoenggoe di depan lobang itoe.
,,Saändenja di waktoe itoe ada orang asing meliwat di itoe tempat, tentoe sekali orang ini merasa heran, oleh kerna melihat satoe nona ijang mengangon domba dengen berpake pakean soetra dan banjak perhiasan ijang tertata dengen roepa-roepa permata moelia Sesoedahnja berlaloe saprapat djam, Luigi kaloewar dari dalem goewa. IJa poen sekarang ini ada berpakean rebo sekali, badjoenja beloedroe koening toewa dengen berkantjing emas; tjelananja beloedroe biroe langit tersoelam dengen benang emas dan terhias dengen gesper intan di betoelan loetoet, sedeng sepatoenja ijang tinggi ada tertaboer dengen banjak taboeran emas, dan pada topinja ada berkibar-kibar banjak pita warna-warna. Doewa horlodji ada tersesap pada ikatan
