— 550 —
astana toewa, sedeng ija sendiri ada berpikir.
Itoe orang Transtevero ada asing sekali di hadepan Franz, tapi itoe orang asing ijang satoe lagi, tida ada begitoe, Franz tida dapet lihat moekanja orang itoe kerna moeka itoe ada tertedeng dengen pinggiran topinja, tapi pada soewaranja orang itoe Franz ada merasa kenal betoel, kerna soedah taoe denger itoe di dalem goewa di Monte-Christo. Maka maskipoen tida dapet lihat pada moekanja orang asing itoe, Franz ada rasa dengen pasti bahoewa orang itoe boekan lain adanja hanja Simbad orang pelajaran.
Seändenja bisa melihat orang itoe di lain waktoe, tentoe sekali Franz soedah lantas mengamperi padanja itoe; tapi di itoe waktoe kerna soedah denger orang asing itoe berkata-kata di dalem resia, Franz ada rasa baiklah djoega tinggal semboeni; di dalem hati Franz itoe berdjandji, ijang djikaloe ija bertemoe lagi pada orang itoe, ija nanti lantas hamperi,
Di dalem antero malem itoe, Franz tida bisa poelas, kerna senantiasa ija beringat sama segala perkara ijang telah terdjadi di Monte-Christo.
Sampe di waktoe fadjar, baroelah ija dapet poelas; maka sampe di waktoe mata-hari soedah naik tinggi, baroelah ija sedar dari tidoernja.
Maskipoen masih pagi hari, Albert telah bersedia aken di waktoe sore, hingga ija soedah sewa djoega satoe roewangan di roemah komedi Argentina, boewat ija doedoek enonton sama-sama Franz. Sobatnja ini di itoe hari tida kaloewar dari roemah, kerna sesoedahnja bangoen kasiangan, ija misti toelis bebrapa soerat ijang ija maoe kirimken ka Frankrijk.
