— 6 —
„Ja, tapi toeroet rasakoe“, kata toean kapal sembari meliat pada Dantes ijang lagi pilih tempat aken berlaboeh: „aken djadi satoe kapitein ijang pande, orang tiada perloe beroemoer toewa sebagimana ijang dikataken olehmoe, Danglars! kerna tjobalah lihat tjara bagimana lakoenja Edmond Dantes bekerdja: ija perboewat segala kerdjaännja sebagimana orang ijang tida perloe beladjar lagi.“
„Ja,“ sahoet Danglars dengen melirik pada Dantes, sebagimana lakoenja orang ijang membentji: „dia itoe masih moeda dan belon taoe merasa kwatir aken satoe apa. Baroe sadja kapitein djadi mati, lantas djoega Dantes ini memerentah di kapal dengen tiada berempoek doeloe sama saorang poen; laen dari begitoe ija soeda bikin kita orang ilang tempo sahari satengah di poelo Elba, sedeng sabetoelnja ija misti toedjoeken kapal troes ka sini.“
„Kaloe ja soedah lantas mamerentah,“ kata toean kapal: „itoelah ada kewadjibannja seperti stuurman pertama; tapi hal ija soedah mampir di poelo Elba dan diam satoe hari satengah, apa di sitoe ija boekan lakoeken keharoesannja, dan apa kapal ini tida ada keroesakan?“
—„Kapal ini ada dengen slamet, seperti dirikoe di ini waktoe, toean Morrel! Itoe perkara boeang tempo satoe hari satengah, soedah terdjadi sadja oleh kerna lakoe ijang tida keroewan dan ingin bersenang-senang di darat, laen tiada.“
„Dantes!“ kata toean kapal dengen menengok pada itoe stuurman: „Marilah sini, akoe ada sedikit maoe bitjara padamoe.“
„Brilah tempo sedikit, toewan“ sahoet Dantes: „dan saja nanti lantes dateng padamoe.“ Dan sahabis bilang
