— 51 —
„Ja," sahoet Danglars: „akoe soedah maoe berkata begini: tapi apa nanti tjoekoep adanja toeloengankoe, kaloe akoe adaken sadja satoe perkara, soepaja Dantes tiada djadi kawin sama itoe nona ijang kaoe tjinta? Akoe rasa kawinan itoe boleh djoega ditjegah, sedang Dantes tinggal hidoep djoega."
„Melinken kamatian sadja bisa tjereken marika itoe satoe pada lain," kata Fernand.
„Kaoe soeda sala pikir, kaoe mengomong seperti orang jang tida taoe satoe apa sobat! kata Caderousse: Boekan disini ada Danglars, diantara kita orang dialah amat tjerdik, jang nanti atoer dan njataken padamoe.
— Hajo, njatakenlah itoe, Danglars! Akoe soedah tanggoein kaoe ini. Njatakenlah, bahoewa tiada perloe sampe Fernand ini memboenoeh Dantes; lain dari begitoe, sajang sekali, kaloe Dantes misti mati. Dia itoe satoe anak ijang baik; akoe soeka sama dia! — Dantes! akoe minoem slamat boeat kaoe, Dantes!" sembari angkat glasnja aken diminoem.
Fernand berbangkit, selakoe orang ijang habis kasabarannja.
„Biarken dia mengotje!" kata Danglars, sambil memegang pada Fernand ijang maoe memoekoel pada Caderousse „maskipoen ija mabok, omongnja tida semoewa salah. Kaloe Dantes disingkirken, samalah djoega ija terpisah dari itoe nona, seperti bertjere. Tjobalah kaoe ingat, saände Dantes itoe ada di dalem temboknja pemboewiän, tiadakah sama djoega, seperti Dantes itoe ada di dalam koeboer?
„Ja, tapi dari dalam pendjara orang boleh kaloewar kombali," kata Caderousse, ijang maskipoen soedah teramat poesing masih maoe djoega toeroet bitjara: „dan kaloe
