— 572 —
sar poetoesken verat lehernja si tjilaka ijang merasai sa- dja sakit di dalem sedikit waktoe, sedeng ija soedah sangsarai kaoe bertahon-tahon?"
— ,,Ja, saja taoe bahoewa kaädilannja manoesia tida tjoekoep aken djadi pengiboer hatinja orang; ijang melinken bisa atoer, soepaja darah terbajar dengen darah, lain tida; tapi kita tida boleh pinta, apa ijang orang tida bisa bikin."
— ,,Tapi tidakah ada joeta-an roepa kadoekaän ijang antjoerken orang poenja hati, dan boleh dikenaken pada orang tida dengen taoenja pengadilan? Tidakah ada berboewatan djahat ijang tida dapet dihoekoeman setjoekoepnja, kerna segala hoekoemannja pengadilan ada terlaloe enteng aken hoekoemi berboewatan itoe?"
— ,,Ada; itoelah sebabnja, maka ada difdzinken aken doewa orang bekalahi satoe sama lain."
— ,,Bekalahi satoe sama lain! hahaha! itoelah satoe atoeran bagoes aken membalas sakit sedikit. Tapi djika ada seorang merampas toendanganmoe, kehendaki isṭrimoe atawa tjilakai kaoe poenja anak prampoewan; sedeng kaoe ada poenja hak aken hidoep dengen senang dan beroentoeng, — orang bikin kaoe tjilaka dan menanggoeng kasangsaraän hati seoemoer hidep serta dapet nama boesoek, — apa kaoe boleh merasa poewas dengen lantaran dapet tantjapken satoe piso di hatinja atawa masoekken satoe pelor ka dalem otaknja moesoehmoe, ijang telah petjahken hatimoe dan bikin kaoe ampir djadi gila? Sedeng begitoe, boleh djadi djoega si pendjahat menang bekalahi dan berdjalan poelang dengen senang, dan oleh orang banjak dikataken tida salah di dalem perkaranja, dari sebab ija menang di dalem kalahian, — Oh, tida! kaloe saja misti
