— 573 —
membalas pada orang itoe, saja tida membalas dengen toeroet atoeran begitoe roepa!"
,,Kaloe begitoe, hal bekalahi satoe sama satoe itoe ada tertjelah olehmoe, dan kaoe ini tida nanti maoe bekalahi satoe sama satoe?" kata Albert dengen merasa heran.
,,Boekan sekali begitoe," sahoet itoe Graaf: ,,djanganlah kaoe salah mengarti. Boewat perkara ketjil, oepama orang hinaken dirikoe ini dengen sedikit perkataän, saja tida malas aken bekalahi, dan di dalem perkara itoe saja boleh berlakoe dengen senang hati, kerna dengen lantaran ada berilmoe di dalem hal serang-menjerang dan lantaran biasamenghadepi bahaja, ampirlah boleh dibilang tentoe, ijang saja nanti dapet kalahken lawanankoe; aken tetapi kadoekaän besar dan kasangsaraän hati ijang tida dapet dihilangken, saja tida maoe membalas dengen bekalahi, hanja saja maoe datengken kasangsaraär pada orang sebagimana ijang saja telah mendapet dari orang poenja perboewatan: mata bajar mata, gigi bajar gigi."
,,Aken tetapi," kata Franz pada Graaf itoe: ,,kaloe kaoe djadi hakim dan algodjo di dalem perkaramoe sendiri, adalah soesah aken kaoe tinggal selamanja di loewar koewasanja pembesar. Dengen hati ijang membentji dan penoeh dengen amarah, sering kali orang djadi hilap, dan siapa menjilakai pada orang ija poen ada terantjam dengen bahaja."
,,Ja, betoel begitoe, saändenja orang itoe miskin dan bodo; tida begitoe, kaloe ija ada berharta besar dan tjerdik. Lain dari begitoe, katjilakaän paling besar ijang boleh dateng padanja, tida lain adanja, hanja melainken hoekoeman mati ijang baroe kita omongken tadi. Brapatah beratnja hoekoem-
