— 599 —
teng ka dalem kamar Franz dan Albert itoe dengen terïring oleh satoe toekang pakean, ijang membawa bebrapa pakean sebagimana ijang biasa terpake oleh orang-orang desa di Italië.
Franz dan Albert masing-masing memilih seperangkat pakean itoe, dan sigra djoega ija-orang soedah pake itoe.
Baroe habis ija-orang berpake, Graaf de Monte-Christo dateng dan berkata padanja:
,,Toewan-toewan! maskipoen enak angkage bersoeka-soeka dengen ditemani, lebih enak lagi, kaloe angkaoe boleh bersoeka-soeka dengen menoeroet kehendakan sendiri sadja; sebab itoe saja dateng kasih taoe padamoe, bahoewa di ini hari dan lain-lain hari poen angkaoe boleh pake saja poenja kareta sesoekamoe. Toewan Pastrini brangkali soedah bilang djoega, ijang saja ada poenja sedia bebrapa kareta; sebab itoe boleh sekali angkaoe pake dengen senang hati itoe satoe kareta ijang kemaren, baik aken bersoeka-soeka di karajaän, baik aken perkara lain. Kaloe kita satoe sama lain hendak bitjara apa-apa, kita orang boleh bertemoe di dalem astana Rospoli."
Franz dan Albert hendak meminta maäf aken tampik itoe kareta; tapi ija-orang tida bisa membri sebab ijang pantes, aken menampik itoe, maka djadilah ija trima sadja oendangan itoe.
Sakoetika lamanja, Graaf de Monte-Christo itoe doedoek beromong-omong dari banjak perkara, dan dari pada bitjaranja adalah djadi katahoean, ijang dia itoe ada kenal banjak perkara dan roepa-roepa ilmoe, Franz dan Albert tida brani oendang Graaf itoe makan dan minoem bersama-sama, sabagimana Graaf itoe telah taoe oendang marika; sebabnja graaf itoe biasa makan sahari--
