— 645 —
XLII
SANTAPAN
Pada tanggal 21 Mei di waktoe pagi hari Albert telah bikin persediahän di dalem roemahnja di Helderstraat aken trima datengnja Graaf de Monte-Christo, ijang telah berdjandji aken dateng padanja di hari itoe.
Albert itoe ada tinggal di dalem satoe roemah ijang terpisah, adanja di dalem pekarangan gedong orang toewanja.
Doewa djendela dari roemahnja Albert itoe ada menemboes ka djalanan raja, sedang tiga djendela lain ada berhadepandengen satoe martjoe, dan doewa lagi ada menemboes ka kebon.
Di antara itoe martjoe dan itoe kebon ada berdiri gedongnja Graaf de Morcerf.
Pada sepandjang wates pekarangan gedong itoe, di pinggir djalanan, ada tembok ijang tida terlaloe tinggi; di atasnja tembok itoe ada berbaris banjak pot kembang, sedang di tengah-tengah tembok itoe ada satoe pintoe hek besar, ijang tida terboeka sahari hari. Satoe pintoe ketjil di dekat pondoknja pengawal pintoe, ada djadi djalanan aken boedjang-boedjang kaloewar masoek; toewan roemah poen djalan di sitoe, kaloe tida kaloewar dengen kareta. Lain dari pintoe itoe, ada lagi satoé pintoe roemahnja Albert, hingga di sitoe kelihatan ini pintoe ketjil seperti tida taoe diboekah, kerna ada tertoetoep dengan deboe; tapi koenjinja dan engselnja ijang kalihatan ada dirawati dengen baik dan bri kanjataän, ijang pintoe itoe sanantiasa ada terpake, tapi dengen tida katahoeän
