— 709 —
ngen takdir Allah; akoe poen soeka toeroet kainginannja orang dan lain dari begitoe haroeslah akoe menimbangi pikiran orang ijang koerang terang. Sekarang koempoelkenlah ingatanmoe dan tjeritakenlah perkaramoe padakoe."
„Saja melinken soedah tjeritaken hal itoe satoe kali sadja, ija itoelah pada Pendita Busoni. Perkara begitoe poen tida boleh ditjeritaken, kaloe boekan pada hamba geredja ijang nanti toeloeng memoehoenken ampoen pada Allah dengen toetoep rasia di depan orang."
„Kaloe begitoe, Toewan Bertuccio!" kata poela itoe Graaf; kaoe misti soeka akoe kirimken kaoe poelang kombali pada Penditamoe itoe, hingga kaoe boleh djadi orang pertapaan atawa hamba geredja seperti Pendita itoe dan boleh omongken rasiamoe -sama dia. Akoe takoet sama orang ijang ingatannja terganggoe dengen perkara-perkara ngeri; akoe tida maoe ada poenja penggawe ijang tida brani dateng beserta akoe ka dalem kebonkoe di waktoe malem. Lain dari begitoe, akoe mengakoe teroes terang, akoe tida kepingin kedatangan orang politie. Di Italie politie dapet bajaran, kaloe ija tida bitjara apa-apa; tapi di Frankrijk ija dapet bajaran boewat bitjaraken. Hm! akoe telah taoe ijang kaoe ini biasa djadi soedagar gelap dan biasa djadi bendahara tapi sekarang akoe lihat, ijang kaoe bisa djoega berboewat kedoerhakaän besar. Kaoe tida teritoeng lagi hambakoe, Toewan Bertuccio !"
„Ach, Toewan! Toewan!" kata pengawe itoe dengen merasa bingoeng; kaloe sadja kaoe berdjandji, bahoewa kaloe saja tjerita, saja boleh tetap djadi hambamoe, saja nanti tjerita Saja nanti bilang padamoe sekalian halkoe. Kaloe saja dioendoerken olehmoe, tentoe sekali djalanankoe ada meneroes
