— 717 —
tan djoega." - Saja djadi merasa heran, oleh dengar omongan itoe, dan saja lantas berkata: „He! bagimanalah kaoe boleh bilang begitoe, Toewan, sedeng kaoe ini ada djadi orang pengadilan !?" „Semoewa orang Corsika ada gila," sahoet itoe Procrureur padakoe: „ija-orang kira, itoe orang Corsika ijang bernama Bonaparte, masih djadi Keizer di keradjaän ini. Kaoe loepa, ijang sekarang telah toekar djeman, sobat! Boewat minta pensioen aken goena orang Bonapartisch, sekarang ini telah liwat temponja, sebab itoe biarlah kaoe lantas berlaloe dari sini; kaloe tida akoe nanti soeroeh orang seret kaoe ka loewar.". - Saja memandang padanja sekoetika lamanja boewat dapet taoe, kaloe-kaloe saja boleh bitjara lagi aken minta pertoeloengannja; tapi orang itoe berhati besi. Saja lantas dekati dia dan berkata dengen soewara bergoemetar: „Kaloe kaoe kenal baik pada orang Corsika kaoe tentoe taoe djoega tjara begimana orang itoe memegang djandjinja. Kaoe rasa patoet, orang boenoeh soedarakoe ijang teritoeng pada orang Bonapartisch sebab kaoe sendiri ada teritoeng pada orang-orang ijang mendjoen- djoeng Radja. Dengarlah! akoe ini ijang teritoeng djoega pada orang-orang Bonapartisch, akoe djandji padamoe, ijang akoe nanti boenoeh kaoe. Moelai dari ini saät, akoe djadi moesoehmoe, dan biarlah kaoe berhati-hati; kerna kaloe akoe berhadepan lagi satoe kali sama kaoe ini, oemoermoe sampe di achirnja." Sehabisnja bilang begitoe, dan selagi itoe Procureur masih tertjengang kerna kaget, saja boekaken pintoe dan teroes berlari pergi."
„Hm-hm !" kata Monte-Christo: „akoe tida taoe kaloe kaoe ini bisa mengantjam begitoe roepa, Toewan Bertuccio, lebih lagi pada satoe Procureur Radja. Tapi apa ija pertjaja
