— 723 —
peti ?" - „Peti itoe boekan berisi oewang."
- „Oh. ja! sekarang akoe ingat, ijang doeloe hari kaoe telah ada bitjara padakoe dari halnja satoe anak."
- „Benar sekali, Toewan! Dengen bawa peti itoe saja pergi ka pinggir kali dan boekaken toetoepnja peti itoe dengen paksa. Satoe anak ketjil ijang baroe terlahir, ada terletak di dalem peti itoe dengen terboengkoes sama kain kekoedoeng haloes, moekanja anak itoe ijang bewarna semoe biroe, ada njataken ijang anak itoe ada tertjekek dengen oesoes poesar ijang melilit di lehernja; tapi dari sebab anak itoe belon djadi dingin, saja tida boewangken dia ka dalem kali, dan saja dapet denger djoega bahoewa anak itoe ada berdebar-debar sedikit, saja lepasken itoe oesoes ijang menjekek pada lehernja, dan laloe saja menioep dengen keras ka dalem moeloet anak itoe, soepaja oedara ijang baroe boleh masoek ka dalem paroe-paroenja. Sigra djoega anak itoe moelai menapas dan bersoewara dengen perlahan, hingga saja djadi girang sekali. Saja berkata, kaloe begini Allah tida mengoetoek padakoe, kerna ija idsinken saja toeloengi satoe djiwa menoesia sedang saja poetoesken djiwanja satoe manoesia ijang lain."
„Habis, apalah kaoe berboewat dengen itoe anak?" kata Monte-Christo: „dia djadi sangkoetan padamoe ijang misti lari".
„Dari sebab begitoe, saja djoega tida maoe bawa-bawa anak itoe", kata Bertuccio: „dan dari sebab saja taoe, bahoewa di Parijs ada roemah anak-anak boewangan, saja pergi kasih taoe pada politie, ijang saja telah dapet anak itoe di djalanan. Itoe peti ketjil ada djadi kasaksian dari omongankoe,
