— 743 —
Joannes! kita-orang tida nanti bisa toeroet makan, kerna tadi kita-orang soedah berdoedoek makan di waktoe sore Ha! dengarlah toeroennja itoe hoedjan! Baik sekali kaoe soedah balik kombali ka sini", — ,,Ja; tapi kaloe hoedjan sigra berenti, tida oeroeng saja nanti berangkat kombali", kata soedagar ìtoe. Kemoedian ija lantas berdoedoek makan.
Caderousse tida berkata satoe apa, hanja berdjalan-djalan boelak-balik sadja. Sesoedahnja seleseh soedagar itoe makan-minoem, la Carconte pasang satoe lilin dan berkata pada tetamoenja: ,,Kaoe tentoe ada merasa tjape; saja soedah sediaken pembaringan, hingga sekarang poen kaoe boleh masoek tidoer". Joannes tinggal berdoedoek djoega dengen harepan kaloe-kaloe hoedjan nanti berenti; sesoedahnja berlaloe sedikit waktoe, hoedjan masih sadja toeroen teroes, malahan semingkin deres, soedagar itoe lantas membri slamat tidoes pada toewan roemah dan teroes naik ka loteng dan djalan di tangga ijang ada di atas kapala saja. Dari sebab saja sendiri ada merasa tjape dan tambahan hawa oedara ada djadi begitoe sedjoek oleh lantaran adanja hoedjan, saja poen lantas rebahken diri, dengen niatan aken bangoen dan berlaloe di waktoe tengah-malem. Sigra djoega saja merasa ngantoek sekali tapi sebelennja saja poelas, saja tjoba djoega mengintip lagi ka pertengahan. Caderousse dan istrinja masih ada di sitoe dan mengomong dengen berbisik, sedeng api di perapian telah moelai padam, hingga di pertengahan itoe djadi goeram. Tida lama lagi saja moelai lajap-lajap dan teroes poelas. Sedeng enak saja poelas, saja tersedar dengen sekoenjoeng-koenjoeng, kerna terdenger adanja boenjinja pistol ijang terikoet dengen soewara triak. Di itoe waktoe djoega saja denger soewara kaki orang berdja-
