— 753 —
ijang diomongken olehmoe, Toewan Bertuccio! akoe minta padamoe, biarlah kaoe ingat omongankoe ini, ijang sering-sering akoe dengar dikataken oleh Pendita Busoni: Ada doewa perkara aken hilangken kadoekaän, jaitoe tempo dan kasoenjian. Sekarang pergilah kaoe masoek ka dalem roemah dan tidoer dengen senang. Di hari nanti, djikaloe kaoe ada merasa takoet pada waktoe djiwamoe maoe berlaloe dari badanmoe, biarlah kaoe soeroeh orang memanggil akoe, sean denja akoe masih hidoep; akoe nanti bisikken bebrapa perkataan di koepingmoe, hingga kaoe nanti berangkat ka achirat dengen merasa enteng dan senang hati."
Bertuccio memanggoel dengen hormat dan laloe berdjalan ka dalem roemah dengen mengela napas. Sasoédahnja tinggal sendirian sadja di dalem kebon, Monte-Christo memandang pada-soewatoe tempat di sitoe, dan berkata sendiri-diri: ,,Di sini, di dekat ini poehoen, ada itoe lobang, di mana anak itoe soedah dikoeboerken oleh de Villefort; di sana ada itoe pintoe ketjil aken orang masoek ka kebon ini, dan di itoe podjok ada itoe tangga rasia ijang meneroes ka dalem kamar. Akoe rasa tida perloe akoe toelisken kaädaän ini dalem boekoe peringatan, aken goena niatankoe".
Sahabisnja djalan mengider di dalem kebon itoe. Graaf itoe mengamperi pada kareta dan lantas naik. Bertuccio mengikoeti, dan laloe berdoedoek di samping koesir, kareta itoe lantas djalan poelang ka Parijs Sasoedahja sampe di roemahnja sendiri, ijang ija baroe beli di kota Parijs, Graaf itoe berdjalan-djalan di itoe roemah, seperti orang ijang memang soedah lama ada kenal betoel sama kaadaän di dalem roemah itoe. Ali ada mengikoeti padanja.
Sahabisnja djalan koeliling Graaf itoe membri bebrapa titah
