Halaman ini telah diuji baca
— 755 —
angsoerken tangannja pada satoe nona eilok ijang toeroen dari kareta.
Nona itoe ada pake keroedoeng soetra hidjo tertaboer emas ijang menoetoepi djoega kapalanja. Dengen hormat nona itoe pegang dan tjioem tangannja itoe Graaf dan laloe berkata-kata dengen bebrapa perkataän. Dari pada lakoenja marika itoe adalah njata, ijang ija orang ada bertjinta satoe pada lain. Nona itoe poen boekan lain orang, hanja Haydee adanja.
Kemoedian nona eilok itoe diantarken ka kamarnja oleh Ali ijang membawa api, sedeng Monte-Christo berdjalan masoek ka dalem kamarnja sendiri.
Pada poekoet doea belas setengah, sekalian api gedong Graaf itoe dipadamken, orang boleh doega, ijang orang-orang isinja gedong itoe telah tidoer semoewa.
