— 764 —
Christo hingga dengen tanggoengannja firma itoe, saja boleh kasihken pada itoe Graaf sebegitoe banjak oewang sebegimana ijang dipinta oleh Graaf itoe. Brangkali djoega hal ini ada soewatoe perkara gila ijang dibikin oleh kambratkoe ijang ada dinegri lain padakoe. Kaoe tentoe mengarti ijang saja ada pikir dan sangat ingin taoe begimana adanja hal ini sebab itoclah maka tadi saja sendiri telah pergi ka gedongnja itoe Graaf, tapi tida dapet bertemoe padanja. Gedongnja itoe, ijang terkabar poenjanja sendiri ada bagoes sekali; tapi ingin dapet saloe oetang ijang tida berwatas . . . . . . hahaha! itoelah satoe perkara heran sekali. Saja rasa, orang main gila padakoe."
Sehabisnja bilang begitoe, Baron itoe lantas berlaloe dan dateng di satoe pertengahan ijang terhias bagoes, di mana Graaf de Monte-Christo ada menanti.
Pada waktoe Toewan roemah dateng, Monte-Christo ada lagi memandang pada gambar-gambaran ijang tergantoeng pada tembok; tempo ija dengar soewara kakinja orang ijang mendatangi, ija lantas berbalik.
Danglars memanggoet dan membri satoe tenda soepaja itoe Graaf berdoedoek di satoe korsi besar ijang di ajer emas-in dan senderannja ada pake soetra poetih.
Sesoedahnja Monte-Christo itoe berdoedoek, Danglars kata padanja:
,,Apa sekarang saja ini ada di hadepan Toewan Monte-Christo ?"
,,Betoel saja ini," sahoet itoe Graaf: ,,ada di hadepannja Baron Danglars, ridder dari tertib Legioen van Eer, lid dari Masjawarat wakil-wakilnja Boemipoetra ?"
Graaf itoe telah seboetken segala gelaran ijang ada ter-
