— 780 —
lars dan istrinja itoe, dan dengen lantaran satoe perkara akoe nanti ambil- ambil hatinja itoe Toewan dan Njonja, hingga ija-orang nanti merasa soeka padakoe, Sedeng begitoe akoe ini belon dikasih bertemoe pada Nona Eugenie Danglars dan akoe ada merasa ingin sekali kenal padanja itoe. Tapi sekarang ini akoe telah ada di Parijs dan ada poenja sampe banjak tempo aken toenggoe banjak perkara.“
Doewa djam kamoedian njonja Danglars trima satoe soerat dari itoe Graaf de Monte-Christo; boenjinja soerat Graaf itoe membri taoe, ijang ija tida maoe dateng di kota Parijs dengen mendoekai hatinja prampoewan ellok, sebab begitoe ija sangat meminta, soepaja njonja Danglars trima poelang koedanja seperti satoe tanda persobatan.
Doewa koeda itoe masih pake itoe pakean baroe ijang terpake tadi, tapi di tengahnja masing-masing kembang dari koelit ijang ada di atas koepingnja koeda kanan dan kiri, telah ditaroin satoe intan besar.
Danglars djoega trima satoe soerat. Monte-Christo minta padanja, soepaja ija trima baik, apa ijang telah terdjadi di antara dia (Graaf) dan njonja Danglars, dan sedeng meminta begitoe, ija meminta maaf aken halnja memoelangken itoe koeda, ijang dipoelangken dengen toeroet adat di tanah Arab.
Di waktoe sore Monte-Christo brangkat ka Auteuil dengen teriring oleh Ali.
Pada besoknja, diwaktoe poekoel tiga, Ali dipanggil oleh toewannja,
„Ali”, kata itoe Graaf: „kaoe soedah taoe tjerita padakoe ijang kaoe ada pande di dalem hal limparken tali djiretan.“
