— 781 —
Ali memanggoet.
,,Kaloe begitoe, kaoe bisa tahan satoe banteng ijang'lari ?" Ali memanggoet kombali.
,,Satoe matjan ijang lari, kaoe bisa djoega tahan?" Ali memanggoet poela.
,,Satoe singa djoega?"
Ali petaken seperti orang limparken tali, dan laloe mengaloewarken soewara mengereng seperti soewara singa tertjekek.
,,Apa kaoe soedah taoe toeroet memboeroe singa?"
Ali memanggoet.
,,Tapi apa kaoe nanti bisa tahan doewa koeda ijang kaboer?"
Ali bersenjoem, seperti maoe bilang, bahoewa itoe gampang sekali.
,,Kaloe begitoe, dengarlah. Sebentar nanti ada satoe kareta liwat di sini dengan tertarik oleh doewa koeda daoek ijang kaboer, jaitoelah koeda daoek ijang akoe pake kemaren. Sekalipoen kaoe misti tergiling, akoe maoe biar itoe kareta djadi berenti di depan roemahkoe".
Ali lantas pergi ka djalan raja dan bikin satoe goerat di batoe hadepan pintoe; kemoedian ija dateng kombali pada toewannja dan oendjoek itoe goerat, seperti maoe bilang, ijang ija nanti tahan itoe kareta di betoelan goerat itoe: Itoe Graaf lantas tepok-tepok dengen pelahan poendaknja Ali: kemoedian hamba itoe lantas pergi doedoek isap pipa di pinggir depannja roemah, sedeng Graaf itoe berdoedoek di dalem kamar toelis.
Pada waktoe poekoel lima, Monte-Christo djalan moendar mandir di dalem kamar dan sebentar bentar ija ham-
