— 82 —
akoe soedah limparken itoe kertas ka podjokan roemah; akoe rasa djoega, ijang akoe telah sowek-sowek kertas itoe.“
—„Tida! akoe taoe betoel, ijang akoe tida sowek-sowek itoe; sekarangpoen akoe ada merasa seperti masih melihat dengen terang pada itoe kertas ijang terletak di tanah betoelan podjok roemah, jang ada tergoeloeng dan sedikit letjak.“
—„Baik; tapi si Fernand ijang poengoet itoe soerat, kamoedian toelis atawa soeroeh orang toelis satoe soerat ijang boenjinja seperti itoe. Tapi, astaga! apatah brangkali ija lantas kirimken sadja toelisankoe itoe pada Procureur Baginda Radja! Tapi soekoer sekali akoe soeda tida menoelis sabagimana biasa, hanja akoe Soedah robah toelisankoe itoe!”
—„Tapi apa kaoe tok djoega, bahoewa Dantes ada tjampoer dalem itoe pakoempoelan djahat?“
—„Tida. Akoe tida taoe satoe apa! Sabagimana akoe soedah bilang padamoe, akoe tjoema main-main, lain tida. Tapi sekarang njatalah ijang dengen main-main akoe soedah kena oendjoeken perkara benar.“
—„Maski bagitoe, akoe lebi soeka keloearken oewang, kaloe perkara itoe bisa tida terdjadi, kendati sedikit poen, kaloe akoe soedah tida toeroet-tjampoer di dalam itoe perkara. Kaoe nanti lihat Danglars! bahoewa ini perkara nanti menjoesahi pada kita orang.“
—„Saände perkara itoe misti mendatengken katjilakaän, datanglah itoe pada orang ijang bersalah, jaitoe si Fernand, boekan sekali sama kita-orang. Katjilakaän apatah djoega ijang dikoewatirken olehmoe nanti datang pada ki-
