— 121 —
Lekas djoega Dantes dapet penjahoetan aken pertanjaännja itoe; kerna tempo pintoenja kereta diboekaken oleh hamba politie, doewablas soldadoe itoe soedah mengadaken doewa barisan dengen berderek hadep-hadepan satoe sama lain, moelai dari depan pintoe kereta sampe pada pelaboehan, hingga Edmond Dantes toeroen dari kereta, misti berdjalan di antara doewa barisan itoe.
Doewa soldadoe ijang berdoedoek di depan Dantes, toeroen paling doeloe dari kereta, laloe Dantes disoeroeh toeroen dengen difkoeti oleh doewa soldadoe ijang tadi mengapit padanja. Kemoedian marika itoe berdjalan menoedjoe pada satoe praoe jang soeda sedia di pinggir pelaboehan. Sigra djoega Dantes berdoedoek di bagian sabelah belakang di dalam itoe praoe dengen terdjaga oleh itoe ampat soldadoe, sedeng hamba politie berdoedoek di bagian sebelah depan; ampat matroos lantas mendajoeng dengen keras, hingga sabentar sadja prace itoe soeda sampe di loewar pelaboehan.
Dantes ada merasa senang sedikit, oleh kerna sekarang ija menapas di oedara beresih ijang berhawa sedjoek dan membri kasegaran padanja.
„Kemanatah angkaoe ini membawa akoe ?" kata Dantes pada soldadoe-soldadoe itoe.
„Sebentar kaoe nanti dapet taee," sahoet marika.
— „Kapan. . .?"
— „Kita orang tida boleh membri keterangan apa-apa padamoe."
Dantes mengarti kawadjiban orangnja jang djadi hamba; maka ia rasa, tida bergoena menanja apa-apa pada satoe hamba ijang telah dapet perintah aken djangan menjahoet; sebab
