— 125 —
keloewar dari pelaboehan Marseille, kaoe misti bisa bade, ka mana kita ada menoedjoe."
„Begimana boleh !"
- „Melihatlah koeliling!"
Dantes lantas berdiri, dan tentoe sekali ija melihat paling doeloe ka fihak toedjoeännja praoe; laloe ija dapet lihat di satoe tempat ijang tida djaoeh, poentjaknja satoe boekit karang, di mana ada satoe benteng ijang bernama d'If
Dantes ijang tida sekali ada ingat pada benteng itoe, djadi kaget sekali dan merasa di dalem hati, seperti orang hoekoeman mati ijang dapet melihat pegantoengan: benteng itoe satoe pendjara boeat orang-orang ijang berdosa besar.
„Astaga!" kata Dantes itoe: „benteng d'If! hal apatah djoega kaoe bawa kita-orang ka sitoe?"
Itoe soldadoe tida menjahoet, hanja bersenjoem.
„Tapi," kata poela Dantes: „Kaoe toch tida bawa akoe, aken toetoep akoe di sitoe? Benteng d'If itoe poen satoe pendjara ijang dipake sadja boeat orang-orang ijang bersalah besar di dalem perkara negri, dan akoe ini tida sekali soedah berboewat salah. Apa ada hakim Instructie atawa lain-lain pembesar di benteng itoe?"
„Sebegimana ijang akoe taoe," sahoet itoe soldadoe: „di benteng itoe melinken ada satoe gouverneur, satoe djoeroe-pendjara, satoe tangsi soldadoe dan tembok-tembok ijang tebal dan koewat. Ach, sobat! boewat apatah kaoe melaga bodo begitoe!"
Dantes pegang tangan itoe soldadoe dengen keras sekali, seperti ija ada niatan aken remoekken itoe, dan sambil memandang pada soldadoe itoe, ija berkata:
