— 134 —
joeta roepia pada Gouverneur kaloe maoe lepasken dia, dan dari sebab ija mengharep sadja, ijang permintaännja nanti ditrima, pendita itoe sekarang soedah mendjadi gila."
- „Soedah brapa lama, ija keloewar dari kamar ini?"
- „Doewa tahon."
- „ Apa orang soedah lepasken dia?"
- „Tida, hanja orang toetoep dia di kamar gelap."
- „Dengerlah! akoe ini boekan pendita, dan akoe tida gila; brangkali djoega akoe nanti djadi gila, tapi di ini waktoe ingatankoe masih ada beres sekali. Akoe maoe omongken satoe perkara sama kaoe ini."
- „Perkara apa?"
- „Akoe tida maoe djandji padamoe aken kasih satoe joeta roepia, kerna akoe tida nanti bisa kasih itoe; tapi akoe maoe kasih padamoe tigaratoes franc kaloe sadja pada waktoe kaoe pergi ka Marseille, kaoe maoe pergi djoega ka desa orang Catalaän dan kasihken di sana satoe soerat pa-da satoe nona ijang bernama Mercedes; soerat itoe tida besar, hanja doewa derek sadja."
- „Ha! kaloe akoe sampeken itoe doewa derek pada siápa poen dan perboewatankoe itoe katahoeän, tidalah oeroeng akoe nanti di petjat dari djabatankoe di sini, ijang membri keoentoengan padakoe seriboe franc di dalem satoe tahon, lain dari pada hasil-hasil ijang akoe bisa dapetken, dan lain dari pada makanankoe sendiri, sebab begitoe, tentoelah akoe ini bodo sekali, kaloe akoe maoe memandang pada tigaratoes franc, sedeng dengen lantaran itoe, antero keoentoengankoe boleh hilang."
- „Baik! kaloe begitoe dengerlah dan ingat baik-baik! Kaloe kaoe tida maoe kasih taoe pada Gouverneur di sini,
