— 1273 —
tida maloe aken tjerita dengen teroes terang hal apa ijang telah kedjadiän doeloe-doeloe.
Betoel toewan Noirtier belon pernah kasi katrangan pada anak anaknja dari pada matinja djendral de Quesnel atawa baron d'Epinay, hingga de Villefort kira ijang soenggoe-soenggoe baron d'Epinay mati terboenoeh oleh orang djahat Soerat begitoe keras ijang di trimanja tadi dari saorang moeda ijang hingga sekarang di hormatinja, seperti ratjoen bagi hati tingginja de Villefort. la belon lama ada di dalem kantoornja, maka njonja de Villefort masoek.
Koetika Franz di panggil mengadep toewan Noirtier, maka notaris dan saksi-saksi soeda mendjadi heran, apalagi lama sekali marika itoe bernanti, belon djoega Franz balik kombali, hingga njonja de Villefort djadi maloe. Abis bahna ia rasa terlebi maloe, kaloe doedoek sendirian bersama-sama itoe tiga orang, maka njonja Villefort minta keloewar aken tjari taoe dan dengar kaloe ada hal apa-apa. Toewan de Villefort bilang pada isterinja, dari sebab toewan Noirtier dan toewan d'Epinay soeda tjeritaken satoe sama laen, maka kawinnja nona Valentine sama Franz bakal tentoe tida djadi.
Ini hal teramat soesah aken di kasi taoe pada toewan- toewan ijang bernanti ka kamar besar. Koetika njonja Villefort balik kombali pada toewan notaris, maka njonja de Villefort memikirken akal, ianja bilang ijang toewan Noirtier dapet sakit kesamper, hingga sekarang ini, itoe soerat notaris tida bole di teekes. Srenta orang-orang itoe dengar ini kabar, maka ia orang teramat kasian pada roemah itoe ijang beroentoenan ketimpah doeka tjita; baroe doewa orang mati, sekarang ini ada lagi kedjadian, hingga katiga toewan-toewan itoe kaloe-
