mes tangannia, sepert orang jang ada dalem soesah besar.
„Tjobalah kaoe toeroetin djalannja si pendjahat tempo pertama-tama toewan de Saint Meran di langgar.“
„Aai doktor, akoe tida pertjaja jang dia mati lantaran itoe ratjoen djoega, sebab akoe tida liat dengan tata sendiri, apa orang tjerita dari sakitnja soeda ti-da salah, betoel seperti matinja Barrois.“
„Si pendjahat meratjoeni toewan de Saint Méran, abis dia meratjoenin njonja de Saint Méran, sebab matinja orang doewa ini mangadaken poesaka doewa kali lebih banjak.“
Villefort berkringet seperti orang tjape sanget, ia seka kringet di djidatnja.
„Dengerlah jang betoel!“
„Ach, doktor“ berkata de Villefort dengen menarik napas pandjang, „tida satoe perkataanmoe ijang ilang tidakoe denger.“
„Toewan Noirtier doeloe bikin soerat testament, tetapi di dalem itoe soerat testament boekan kaoe atawa se-orang kaoem familiemoe, jang di djadikan achliwaris, padahal orang-orang miskin di kota, ia jtoelah jang di djadiken warisan. Toewan Noirtier hidoep teroes tida tergoda apa-apa, sebab apa goena matinja jang tida memberi ka-oentoengan barang sedikit. Tetapi apabila i batalken itoe soerat testa ment jang pertama, dan ia bikin soerat testament jang baroe, maka lantas dia di kasi minoem itoe aer limonade; barangkali orang itoe takoet djangan nanti toewan Noirtier ganti lagi testamentnja. Itoe testament jang baroe di bikin kemaren doeloe, liat orang tida kasi tempo lagi tjoba toewan Noirtier poenja badan tida biasa makan ratjoen, nistjaja matilah ija.“
