apa-apa orang makan sampe djilat-djilat djarinja, bahna kaenakan. Kaoe ijang pertama-tama tjoba masakan akoe di sana, tentoe kaoe masih soeka djoega, boekan?“ Abis Caderousse teroes mengoepas bawangnja ijang masih katinggalan.
„Baik,“ berkata Andrea dengan aseran, „tjilaka, kaloe kaoe maoe akoe kemari tjoema boewat makan sadja, biar pegi persetan!”
„Anak!” berkata Caderousse dengen moelia: seimbari makan kita boleh beromong-omong tetapi kaoe koerang trima, apa kaoe tida girang ketemoe lagi sobatmoe? orang lain tentoe nangis sebab terlaloe kagirangan.”
Maka soenggoe, Caderousse menangis; tjoema orang soesa bade apa dia nangis sebab girang, atawa dia menangis sebab kena hawa bawang ijang membikin matanja Caderousse kaloewar aer.
„Diam bangsat!“ berkata Andrea: „orang seperti kaoe sajang sama akoe, kaoce . . . .!“
„Ja soenggoeh akoe sajang padamoe biar tida dapet selamat”, berkata Caderousse „akoe taoe ijang akoe tida bisa semboeni-boeni-in hatikoe ijang sajang padamoe.“
„Biar begitoe djoega tida ada halangan bagimoe aken berchianat padakoe dengen memboeka rahasia.“
„Tjis!“ berkata Caderousse, sembari seka pisonja di kaen topo ijang di pakenja di pinggang; „kaloe akoe tida soeka dan tida sajang padamoe, apa kaoe kira akoe maoe penghidoepan bégini, seperti kaoe brihken pada akoe? Tjobalah kaoe liat, kaoe bisa pake-pakejan djongos, djadi satoe tanda ijang kaoe sanggoep piara djongos, liat akoe ini, begimana akoe misti bekerdja sendiri, masak sendiri, bresihken barang sen-
