lem kamar pakean, maka itoe matanja lantas liat bajangan, abis kaliatan itoe katja kaja orang tempellin kertas dari loewar, tida lama maka itoe katja bersoewara, tetapi djato. Soenggoeh sang maling betoel paham sekali dia sengadja tempelken kertas djangan sampe katja itoe litjin bisa terlepas dari tangannja. Barang itoe katja soedah berlobang, maka kaliatan tangan di londjorken masoek memboeka knip djendela dan tida brapa lama lagi itoe djendela terboeka dan satoe orang berlompat masoek. Dia tjoema sendirian.
„Astaga, ini orang betoel bangsat ijang teramat brani,“ berkata Graaf dalem hatinja.
Di koetika itoe djoega dia merasa ijang Ali koetik poendaknja. Graaf berpaling kablakang, abis Ali oendjoek kiman djendela dari kamar ijang dia orang tempelin dan ijang boleh keliatan kaloewar.
Monte Christo dateng hampirin itoe djendela dia taoe ijang Ali poenja mata seperti mata loewak, kendati di gelap dia bisa liat. Soenggoelah Monte Christo dapet liat di loewar ada satoe orang ijang keloewar dari blakang tembok pintoe teroes memandjat tiang seperti aken meliat ijang kedjadian di dalem roemah.
„Baiklah” berkata toewan Graaf: „ijang satoe bekerdja, dan ijang lain djaga datengnja orang.“ Graaf kasi tanda pada Ali aken djangan lepas itoe orang di loewar dari matanja, abis Graaf pergi sampe ka kamar pakean.
Sang maling toekang potong katja soedah masoeken tangannja, dia londjorken kemoeka aken tjari jalan. Kemoedian dia taoe semoewa, sebab dia grendel doewa- -doewa pintoe kamar pakean. Barang itoe orang hampirin kamar ijang di tempatin Mone-t Christo maka ija ini lantas pegang
