— 1442 —
loe idoep di hampir-hampirnja Ali Pacha, dan taoe sebagimana akoe di saijang dan di pertjaja oleh Ali, marika itoe socda mati sebagian, atawa soedà terpentjar kasana-sini; akoe rasa sekalian orang-orang ijang doeloe bekerdja bersama-sama akoe, maka akoe sendirilah ijang masih katinggalan belon mati. Akoe tjoema ada soerat-soeratnja Ali tebelen, ijang mana akoe soeda serahken pada toewan, akoe tjoema ada tjintjinnja tanda kehendaknja, inilah tjin-tjinnja itoe. Laen dari itoe, maka prikaadaan dan kelakoewankoe dan nama baikkoe dalem pakerdja-an militair itoesemoewa kasaksian besar, ijang segala apa tjeritakoe benar adanja."
Orang-orang ijang dengar Graaf berkata begitoe dengan gampang dan sabar, semoewa berbisik-bisikan satoe sama lain, maka semoewa omongin baik dari toewan Graaf, moekanja itoe orang-orang kataoewan. Albert, dalem ini perkara sebagimana adanja, sampe di sini akoe tjeritaken? maka tentoe Graaf menang kaloe tida kedjadian apa-apa ijang baroe, ijang tida ketaoewan dari mana datangnja." Soeda tida ada laen tjoema misti poengoet soewara sadja sebagimana pikiranja masing-masing lid, abis toewan President berkata:
,,Toewan-toewan sekalian! dan kaoe toewan Graaf, akoe rasa ijang toewan tida nanti ada berat apa-apa, ijang kita nanti dengar kasaksianinja saorang dalem ini perkara ijang berpenting sekali, sebagimäna katanja sendiri, dan itoe saksi soedah dateng mengadap sendiri. Kita semoewa tida koewatir barang sedikit, ini saksi tentoe nanti toeloeng bresiin toewan Graaf dari pada noda ijang kedjatoan di atasnja. ,,Apa ini soerat ijang akoe baroe trima, apa toewan-toewan
