— 1458 —
,,Baiklah," berkata Beauchamp,,,kaloe misti, maka akoe nanti toeloeng seboleh-boleh padamoe aken dapetin moesoehmoe. Akoe nanti dapetken, sebab kaoe poenja nama baik ijang di tjatjatken, sama djoega akoe poenja nama ijang di begitoein." " Kaloe begitoe Beuchamp, marilah kita lantas moelai djalanin niat kita, sebab satoe menuut akoe rasa berapa boelan lamanja, begitoe besar napsoekoe. Si tjilaka itoe ijang membikin maloekoe belon kena bagiannja, djadi bole kira ijang dia bebas, tetapi selamanja aer di kali mengalir ka laoet, belon djoega akoe berdiam, kaloe belon akoe dapet sama dia."
„Dengerlah Marcerf."
„Beauchamp, akoe rasa ijang kaoe soeda dapet baoebaoenja hal ini. Ach sobat, kaoe bikin akoe idoep lagi." ,,Akoe tida maoe tentoein, ijang semoewa sebener-benernja, apa ijang akoe taoe, Albert, tetapi kendati bagimana dalem kagelapan kita sekarang ini, maka kendati terang sedikit djoega soeda bagoes. Kaloe kita bisa toeroet pelahan-pelahan tjahaija terang itoe, maka achirnja tentoe ketemoe apa ijang di tjari."
,,Katakenlah, Beauchamp, akoe soeda tida tahan sabar lagi."
,,Na sekarang baiklah akoe tjeritaken, apa ijang doeloe akoe tida maoe bilang padamoe, koetika akoe poelang dari Janina."
,,Ach! tjeritakenlah Beauchamp!"
„Dengarlah, apa ijang soeda kedjadian, Albert. Soeda barang ijang tentoe, koetika akoe sampe di Janina, akoe misti tanja-tanja sama bank ijang besar. Baroe akoe bitja-
